ढोका खुल्लै छ आए........ हुन्छ

ढोका खुल्लै छ ..आए हुन्छ,
भित्र म छु,
एक छिन सुस्ताए हुन्छ,
गीतहरु छन डायरीमा,
यसो पल्टाए हुन्छ ,
तस्बीरहरु आँखामा,
खेलाए हुन्छ,
बांसुरी छ छातीमा,
बजाए हुन्छ,
भित्र म छु..
एक छिन सुस्ताए हुन्छ!
थाकेकी हौली,
ज्यान एक छिन बिसाए हुन्छ..
भोक तिर्खा भए,
केही पकाए हुन्छ,
अप्ठेरो मान्नु पर्दैन,
अब मन फुकाए हुन्छ..
भित्र म छु…
आऊछौ भने आए हुन्छ,
नभए सुस्केराले बोलाए हुन्छ..
एउटा कुनै बिन्दुमा,
बिलाउन मन छ भने,
के सोची रा’की?
मायाको आगो,
जलाए हुन्छ..
पिरतीको पानीले
भिजाए हुन्छ..
भित्र म छु..
भित्र कतै अब,
हराए हुन्छ!