भोक

उम्रनै छाडे
काक्रा-फर्सी
करेसाबारीमा
बादल लागेको बिहानीमा
खोतलीरह्यो बीउहरु
भँगेराले र छोर्डाई रह्यो साँझमा
बियाहरु
मुसाले
यसपाली पनि
अङ्कुराएका बीऊहरु
निमोठी-निमोठी खाँदैछन्
रातमा बनबिरालाहरु
बूढो लाहुरे
पेन्सिनको सियोले सिउँदै छ भोक
युवक छोराहरु
र्सकसका घोडाहरुझैँ
हुइँकिरहेछन् जिन्दगीको सडकमा
अनौठा कुरा गर्छन्
विद्यार्थीहरु लाज मान्ने विद्यार्थी
निधक्क सुनाउँछ
बायो-केमिष्ट्रिको अन्तरङ्ग प्रेमकथा
करेसाबारीमा झरेका
अनौठा फल
अब्दुल कलामहरु
अनुसन्धान गरिरहेछन्
अझै पनि
करेसाबारीमा
रुँदैछिन् उसैगरी
हिरोसिमाकी घाइते वृद्धा ।