महाकाल डाँडा

यो चाहिँ हो महाकाल डाँडा,
महाकाल बाबा!
अंग्रेजहरूको अवशिष्ट
अब्जर्भेटरी!!
यहाँ सानेको आमा माग्न बस्छिन्
आफ्नो समयको समृद्द इतिहास च्याङले भइसक्यो,
उनी बुढेसकालको यो कहर बाँच्छिन्।
सानो कालखण्ड थप्छिन् बज्यै
महाकाल।
(चियाकमानमा पत्ती टिप्थिन्
चार छोरा, चार छोरीकी आमा
जुवाइँ चेला, छोरी बुहारीकी धनी उनी
आज दरिद्री भइन्)
छेउमा एक जोडा गाइने गीत बेच्छ
'यिनारले हामीलाई लाजै बनायो'
दुइटा ठिटो देखिन्छ।
नबिक्दा मनको बह
गिताङ्गे डाँडातिर हेर्छन् ती गन्धर्व।
यो महाकालको ओडार हो
समयको सुरुङ।